Fel Merch
This poem was commissioned by Urdd Gobaith Cymru to celebrate #FelMerch National Conference, Wales’ largest female youth sports conference, held in Cardiff in October 2023.
Fi yw’r troed sy’n curo’r pridd,
trwy law a gwynt, be bynnag fydd.
Fi yw’r gôl sy’n ennill y gêm,
fi yw’r floedd, y deigryn, y gwen.
Fi yw’r ryc â breichiau ynghlwm,
fi yw’r ras a’r coesau trwm.
Trwof i ddaw’r egni, trwof i ddaw’r anadl
fi sy’n codi baner y genedl.
Ond ni yw’r sbarc, a ni yw’r enaid:
fel un ein fflam, un galon danbaid.
Ni sy’n colli. Ni sy’n ennill.
Ni yw’r gân, a fi ‘di’r pennill.
Fel merch rwy’n chwarae, fel merch rwy’n brwydro,
ac fel un côr mae’r gri’n adleisio.
Fi yw’r drwm, a ni yw’r curiad:
dyfalbarhad. Dewrder. Cariad.
Nia Morais, Bardd Plant Cymru 2023-2025