Bardd Plant Cymru

Cymru

Rwy'n byw yng ngwlad y ddraig,
Ac rwy'n siarad yr iaith Gymraeg.

Bara brith a chawl cennin
Sy'n fwyd digon da i frenin.

Ar ben y bryn mawr
Mae castell yn union fel cawr.

Ble roedd Myrddin y dewin
Yn hoffi dawnsio gwerin.

Mae copa'r Wyddfa i'w weld o bell,
A bydd cerdded y mynydd yn fy ngwneud yn well.

Rwy'n hoffi gwrando ar Duffy a Tom,
Mae nhw'n fy ngwneud i deimlo'n llon.

T. Llew Jones sy'n awdur o fri,
Mae ei lyfrau ef yn hwyl a sbri.

Joio yn y 'Steddfod yn yr haf,
Gan obeithio y cawn dywydd braf!

Dwi'n hoffi Pice ar y Ma'n
A chlywed y Cymry yn canu cân.

Mae Shane Williams yn enwog iawn,
Wrth gicio a rheseg - mae ganddo ddawn.

Mae'r Llyfrgell Genedlaethol yn llawn trysorau,
Dewch i ni ddarllen rhwng y cloriau.

Tywysog cadarn oedd Glyndwr,
Roedd pawb yn Lloegr yn ofn y gŵr.

Cenhinen bedr sy'n bwysig i mi,
A Dewi Sant - ein Nawddsant ni.

Y ddraig goch yn chwifio ar ein baner ni,
Canwn yr anthem, 'Hen Wlad fy Nhadau i mi'.

William Morgan sy'n arwr i mi,
Cyfieithodd y Beibl i'n hiaith fach ni.

Mae'r iaith Gymraeg yn bwysig iawn,
Mae'n hala ni i deimlo'n llawn.

Mae Cymru fach yn bwysig i ni,
Gadewch i ni edrych ar ei hôl hi.

Blynyddoedd 3 - 6, Ysgol Hafodwenog

 

Hud yr Hydref

Mae'n noson dywyll, oer,
Yn y nen uwchben, disgleiria'r lloer.
Niwl yn dawnsio o gwmpas y coed,
Yr olygfa bertaf y gwelais erioed.

Dail yn disgyn oren, brown a choch,
Gwynt yn cochi pob trwyn a boch.
Gwisgo'n gynnes, sgarff, cot a menig,
Naws yr Hydref yn deimlad arbennig.

Mae'r haul wedi mynd ar ei wylie'
A'r gwynt a'r glaw 'di dod adre'.
Gwynt sy'n chwythu, glaw sy'n poeri,
Nawr mae'r dyddiau'n dechrau oeri.

Pawb yn cysgu yn eu tai,
Golau bant a'r lleni 'di cau.
Anifeiliaid oll yn cysgu,
Hud yr Hydref fel swyn dros Gymru. 

Ysgol y Berllan Deg

 

Yr Hydref

Ar noson oer o dan y lloer,
Tylluan yn hwtio o dan y coed.
Ysbrydion ofnus yn crwydro'n hy,
O gwmpas celloedd Castell Lloyd.

Ar noson oer o dan y lloer,
Tân gwyllt yn ffrwydro'n wyllt.
Dail yn disgyn bob yn ail,
Guto Ffowc a'i wyneb hyll.

Ar noson oer o dan y lloer,
Sŵn y gwynt yn chwibanu.
Llwynog cyffrous yn llwgu am ei fwyd,
Lleisiau swynol yr adar yn diflannu.

Blwyddyn 6, Ysgol Gymraeg Rhydaman

 

Yr Hydref

Mae'r dail yn teimlo'n dost
ac yn awr yn frown fel tost.
Mae'r dail yn disgyn i'r llawr
Mae hi'n fis Hydref nawr.

Rwy'n clywed sŵn y gwdihŵ
yn dweud tw-it-tw-hw,
Mae'r eira yn disgyn yn dawel
fel dandryff Simon Cowell.

Mae'n noson oer o dan y lloer
a'r dail yn goch ar fy moch.
Ynghanol yr oerni mae'r glaw yn poeri
a'r anifail lleiaf yn ofni'r gaeaf.

Mae'r gwynt yn chwythu yn dawel
fel llais tylluan ar yr awel.
Mae'r haf wedi diweddu,
Diolch am y cynhaeaf eleni.

Blwyddyn 6, Ysgol Gwaun y Nant

 

Yr Hydref

Mae hi'n noson oer
Ac mae'r glaw yn disgyn fel poer.
Mae'r coed fel cawr mawr,
A'r niwl yn symud yn dawel.

Syrthiai'r dail fel eira ar lawr
Yn goch, melyn, porffor ac oren.
A'r brigau fel dwylo sgerbwd
Yn denau ac yn bwyntiog.

Mae'r coed, sy'n dawnsio yn y gwynt,
Fel ysbrydion chwim yng nghanol y niwl.
Mae popeth yn noeth,
Yn unig heb gwmni y blodau hardd.
 

Blynyddoedd 5 a 6, Ysgol Bro Ingli, Trefdraeth

 

Yr Hydref

Roedd hi'n noson dywyll oer,
A golau yn dod o'r lloer.
Y bluen gyntaf yn disgyn,
Fel darnau bach o blisgyn.

Y dail yn dawnsio i lawr,
Ac yn cwympo ar y llawr.
Mae'r anifeiliaid yn mynd i'r gwely,
A nawr mae angen tawelu.

Mae pawb eisiau menig
Achos eu bod nhw'n arbennig.
Mae'n oer iawn tu fas,
O! mae'r awyr yn las!

Ysgol y Frenni, Crymych 

 

Yr Hydref

Y gwynt yn chwythu'n oer,
A'r cymylau'n bygwth poer.
Dail yn disgyn yn fawr
A'r coed yn sgerbwd garw.
Troi y goeden o brydferthwch
I ryw sgerbwd moel o dristwch.
Dawnsio ar garped o enfys
Wrth lyfu'r craciau ar fy ngwefus.
Mae'r eira'n syrthio'n araf
Arwydd oer y gaeaf.
Mae'n glanio ar ein caea'
Gan lenwi llond fy merfa.
Plant yn llithro wrth sglefrio
Chwerthin! Ond eto'n brifo!
Mae Carnguwch wedi ei orchuddio
Fel pen wŷ wedi'i ffrio.
Wel, mae'r hydref wedi cyrraedd
Eto 'leni, fel wnaeth y llynedd.

Ysgol Pentreuchaf

 

Bore o Dachwedd ger Abaty Hendygwyn

Cap, sgarff a menig am ein dwylo.
Yr haul yn llif-oleuo'r ddaear
A thaflu cysgodion hir ar draws ein llwybr.

Dail yr hydref yn drwch o dan ein traed.
Rhew cyntaf y gaeaf fel sierbet yn eu haddurno.

Fferm Bryngwyn ar ochr y bryn
Yn disgleirio seren yn yr haul.

Cloddiau taclus yn croesi'i gilydd
Fel X ffactor.

Sefyll ar bont Nant Colomendy
A'r dŵr yn byrlymu o dan ein traed.

Haenen denau o iâ ar wyneb y dŵr
Fel dalen o bapur coginio.

Cwmwl llwyd golau fel candi fflos
A phelydrau'r haul yn ymestyn dros
Yr adfail fel ffan enfawr.

Hen walydd cerrig
Yn llonydd a distaw
Fel mynwent.
A'r iorwg yn eu dal i fyny.

Cap, sgarff a menig am ein dwylo
Ar fore o Dachwedd ger Abaty Hendygwyn.

Dosbarth 4C, Ysgol Gynradd Hendygwyn

 

 Finnau’n llithro ar y llawr,
Braich a choes mewn plastar nawr!
Dail yn niwsans erbyn hyn
Rhowch y cwbl yn y bin!!!!

 Un Noson o Hydref

Roedd hi’n noson dywyll oer,
A’r anifeiliaid yn cysgu o dan y lloer.
Roedd wiwerod yn casglu cnau,
A’r gwdihw yn prysur lanhau.
Yn sydyn, dechreuodd fwrw glaw,
A throdd y cae yn faw.
Fel bwled, fe ddeffrodd y moch
A clywyd gwaedd fawr o “soch-soch!”
Deffrodd y moch y fuwch,
A gwaeddodd hwnnw’n uwch !
Rhedodd y ceffyl a neidiodd,
A gwylltiodd yr hen ffarmwr a chegodd.
Ciciodd y ceffyl ei fan,
A dihunodd y seiren pawb lan !
Criodd y ffermwr yn dawel,
Yna, peidiodd y glaw a daeth awel.
Ymlwybrodd yr hen ffermwr i’w sied,
A galwodd ei wraig e’n hen slej!

Dosbarth 5T Ysgol Pen-Y-Garth